Dushan Janjiq i cili është drejtor i Forumit për Marrëdhënie Etnike, kishte organizuar një konferencë me titull “Dialogu diplomatik” në Beograd, ku ndër të ftuarit ishte edhe zëvendëskryeministri i parë i Kosovës, Besnik Bislimi. Janjiq ka komentuar situatën e moslejimit të pjesëmarrjes së Bislimit nga ana e autoriteteve serbe.
Sipas Janjiqit, ai të enjten e 27 tetorit e ka kuptuar se situata është e tensionuar sa që mund të shkojë drejtë luftës në mes të Kosovës dhe Serbisë dhe për këtë e kanë bindur dy ngjarje.
“Sot e kam kuptuar se sa serioze është situata dhe se duhet zgjedhur mes luftës dhe paqes. Në këtë konstatim më kanë çuar dy gjëra: vizita e Bislimit dhe deklarata e Vuçiqit”, ka thënë Janjiq.
Më tej ai ka thënë se “Si një aparat i shtrenjtë shtetëror nuk mund të garantojë sigurinë e njeriut, që ka ardhur të flasë për perspektiven evropiane të rajonit”, ka deklaruar Janjiq për mediumin serb Danas, transmeton Portali Dukagjini.
Për këtë, Janjiq, ka thënë se kjo dërgon mesazh të keq për vetë serbët.