Japonia ka arritur ta mposhtë Gjermanin duke e tronditur me dy gola në Kampionatin Botëror të Katarit.

Golin e dytë vendimtar të fitores e shënoi japonezi Takuma Asano, i cili ishte shumë i shpejtë në arritjen e golit për kombëtaren e tij.

Golin e parë kombëtarja japoneze e ka shënuar në minutën e 75-të për rezultatin 1:1, golin për japonezët e shënoi Ritsu Doan

Ndërsa, Gjermania kishte arritur të shënojë golin e parë ndaj Japonisë në minutën e 33-të, nëpërmjet mesfushorit Ilkay Guendogan. Guendogan shënoi nga penalltia, të cilën e fitoi David Raum.

Pamje nga përfundimi i ndeshjes Gjermani – Japoni, triumfuese kombëtarja japoneze

İlkay Gündogan shënon golin e tij të parë në turneun më të madh të futbollit me penalltinë e pestë në Kupën e Botës në dhjetë ndeshje.

Kjo ndeshje ishte një nga paraqitjet më të mira të kombëtares japoneze, duke mposhtur Gjermaninë e cila ishte fituese katër herë e Kupës së Botës.

Po ashtu, kjo është paraqitja e 20-të e Gjermanisë në Kampionatin Botëror.

Kombëtarja gjermane do të luajë ndeshjen e radhës më 27 nëntor kundër kombëtares spanjolle.

Ndërsa, kombëtarja japoneze ndeshjen e radhës do ta ketë më 1 dhjetor, po ashtu kundër Spanjës.