Të mërkurën mbrëma, Juventusi arriti fitore 2:0 ndaj Pafosit të Qipros në xhiron e gjashtë të Ligës së Kampionëve.
Sulmuesi i Kosovës, Edon Zhegrova, ishte titullar për herë të parë te Juventusi, si dhe për herë të parë që prej 14 dhjetorit të vitit të kaluar kur luante për Lillen.
Ai ishte aktiv gjatë pjesës së parë, por nuk arriti të shënonte gol apo të asistonte.
Pas pjesës së parë, Zhegrova u zëvendësua nga Francisco Conceicao.
Golat e fitores i shënuan Weston McKennie – minuta e 67-të dhe Jonathan David – minuta e 73-të.
Pas kësaj fitoreje, Juventusi ngjitet në vendin e 17-të me 9 pikë, ndërsa Pafosi mbetet në vendin e 26-të me 6 pikë.