Analisti politik Bekim Kabashi ka vlerësuar balotazhin për kryetar të Mitrovicës, duke e konsideruar fitoren e Faton Pecit nga Vetëvendosje si jo dinjitoze.
Kabashi tha se PDK-ja nuk ka qenë një forcë e pamposhtur dhe se Agim Bahtiri e kishte mundur atë dy herë më parë pa ndihmën e askujt tjetër.
“Fitorja nuk është dinjitoze e VV-së. Sepse PDK-ja nuk ka qenë e pamposhtur atje. PDK-në e ka mposhtur pa ndihmën askujt tjetër dy herë Agim Bahtiri. Këtë gjë s’ka mund me bë Faton Peci. Ka rezultuar të jetë kandidat më i dobët se Agim Bahtiri. Po, e ka fituar Albin Kurti me një ndërmarrje të jashtëzakonshme. E ka kap përdorë Faton Pecin edhe e ka çu në ulësen e kryetarit të Mitrovicës”, ka thënë Kabashi.
Sipas rezultateve të përditësuara të balotazhit, Faton Peci ka fituar me 53,53% të votave, duke siguruar 17,542 vota nga 32,770 vota të përpunuara, ndërsa kandidati i PDK-së, Arian Tahiri, ka marrë 46,47% ose 15,228 vota.