Kandidati i LDK-së për kryetar të Istogut, Ilir Ferati, ka zhvilluar një takim me gratë në Lubozhdë dhe Liridonë, ku u diskutua mbi fuqinë, mirëqenien dhe rolin e gruas si në institucione, ashtu edhe në jetën shoqërore më gjerë.
“Gratë gjithmonë janë mbështetje për njëra-tjetrën, gjë që u dëshmua edhe në këtë takim,” ka theksuar Ferati, duke falënderuar banorët për mikpritjen dhe mbështetjen e tyre të vazhdueshme.
Ai theksoi se rrugëtimi i tij për një Istog më të zhvilluar vazhdon bashkë me qytetarët dhe se angazhimi për përfaqësimin dhe fuqizimin e grave do të jetë një ndër prioritetet e tij.