Kryetari i Komunës së Malishevës dhe kandidati i Nismës për një mandat të ri, Ekrem Kastrati, ka zhvilluar takim elektoral me qytetarët e Damanekut, Bubavecit, Bubëlit dhe Qypevës.
Në një postim në Facebook, Kastrati ka falënderuar banorët për mbështetjen, duke theksuar se pritja madhështore është tregues i qartë i fitores që e pret më 12 tetor.
“Kështu jemi të pathyeshëm, kështu ne e ndryshojmë komunën tonë! Damaneku madhështor dhe Bubaveci fantastik, bashkë me Bubël e Qypevë sonte na dhuruan një pritje të madhe, plot kurajo dhe besim për të vazhduar me Malishevën Urbane! Ky entuziazëm është dëshmia më e fortë se më 12 tetor do të shkruajmë një fitore të thellë”, ka shkruar ai në Facebook.