Korporata Energjetike e Kosovës (KEK) ka njoftuar se ka pranuar një vendim zyrtar nga KFOR, përmes të cilit zona operacionale e saj është shpallur Zonë e Ndaluar për Fluturime (“No Flight Zone”), me theks të veçantë në ndalimin e përdorimit të sistemeve ajrore pa pilot (dronë).
Sipas KEK-ut, ky vendim ka hyrë në fuqi më 1 shtator 2025 dhe përfshin të gjitha asetet energjetike të cilat kategorizohen si pjesë e infrastrukturës kritike të Republikës së Kosovës.
Vendimi është shpërndarë edhe nga vetë KFOR-i, i cili ka theksuar rëndësinë strategjike të infrastrukturës energjetike për furnizimin e qytetarëve dhe ekonomisë së vendit.
“Kjo infrastrukturë përfaqëson themelin e furnizimit me energji elektrike për të gjithë qytetarët dhe ekonominë e vendit, duke e bërë atë një produkt thelbësor dhe të pazëvendësueshëm për jetën e përditshme dhe zhvillimin kombëtar”, thuhet në njoftim.