Ministri i Bujqësisë, Faton Peci, u ka kërkuar punëtorëve të ministrisë vërtetime mbi të kaluarën kriminale.
Mursel Zymberi nga Sindikata e Shërbyesve Civilë, në emisionin “Rreth e Rrotull” në RTV Dukagjini, për këtë çështje ka thënë se Qeveria e Kosovës dhe ministritë e kanë shkëputur “dialogun social”, dhe se nuk komunikojnë fare me sindikatat e nuk ua dëgjojnë kërkesat e tyre.
Murseli, kërkesën e ministrit e ka cilësuar si “të tmerrshme, të turpshme vetëm ta dëgjosh e jo ta provosh ta zbatosh”.
“Në këtë rast nuk jam i informuar nga ana e Qeverisë për këtë fantanë kërkesë nga ministri Peci, që realisht është e turpshme me e përmendë një tillë, e aq më tepër të provojë të kushtëzojë shërbyesit civilë që t’i sjellin certifikimet që nuk janë nën hetime”, ka thënë Zymberi.