Një zjarr i madh ka përfshirë fshatrat Kullollas dhe Bletë në rajonin e Gramshit, duke djegur shtëpitë e banorëve dhe shkaktuar një situatë shumë kritike.
Burime nga Top Channel njoftojnë se disa banorë janë bllokuar brenda zonës së zjarrit dhe po luftojnë për t’u larguar.
Dyshohet për viktima, por ende nuk ka informacion zyrtar mbi numrin e tyre.
Për shkak të tymit të dendur, ambulancat, zjarrfikësit dhe autoritetet nuk po lejohen të afrohen në vendngjarje, duke vështirësuar shumë përpjekjet për shpëtim dhe kontroll të flakëve.
Në këto momente po bëhet evakuimi i të gjithë banorëve të njësisë administrative Skënderbegas, ndërsa situata mbetet jashtëzakonisht e rrezikshme.