Këshilli i Sigurimit i Organizatës së Kombeve të Bashkuara do të mbajë një seancë të jashtëzakonshme, pas sulmeve të Shteteve të Bashkuara ndaj objekteve bërthamore në Iran.
Sipas raportimit të BBC-së të dielën, ishte vetë Irani që kërkoi mbajtjen e kësaj seance, duke e cilësuar veprimin amerikan si “skandaloz” dhe me “pasoja të përjetshme”.
Këshilli i Sigurimit përbëhet nga 15 shtete anëtare, ndërsa SHBA-ja është një nga pesë anëtarët e përhershëm me të drejtë vetoje, përkrah Kinës, Rusisë, Francës dhe Mbretërisë së Bashkuar.