Cristiano Ronaldo ka marrë një ofertë prej 275 milionë eurove që të largohet nga Manchester United për një klub në Arabinë Saudite.
37-vjeçari ka një kontratë me djajtë e kuq deri në fund të sezonit të ardhshëm, por ai ka informuar klubin që dëshiron të largohet nga Teatri i Ëndrrave.
Sipas The Athletic, ai ka pranuar një ofertë stratosferike nga një klub i Arabisë Saudite, emri i të cilës nuk është bërë i ditur, për vlerën e 275 milionë eurove për dy vite.
Kjo do të thotë që portugezi do të paguhej 137,5 milionë euro në vit dhe do të merrte 10,5 milionë euro në muaj.
I njëjti burim thotë që i njëjti klub është i gatshëm që djajve të kuq t’i ofrojë 35 milionë euro për transferimin, edhe pse ata e kanë bërë të ditur që janë të kënaqur me 20 milionë euro.
Megjithatë, besohet që futbollisti nuk dëshiron të pranojë ofertën për shkak se dëshiron të mbetet në Europë dhe të luaj në UEFA Champions League.
Erik Ten Hag është shprehur që dëshiron të mbaj Ronaldo-n në klub, por portugezi si duket do të largohet nga “Old Trafford” këtë verë.
Se cili do të jetë destinacioni i tij i ardhshëm, ende mbetet të kuptohet.