Komuna e Prishtinës të hënën ka njoftuar se e ka hapur konkursin për 25 psikologë shkollorë.
Drejtoresha e Arsimit në këtë komunë, Besianë Musmurati, ka thënë se shtimi i numrit të psikologëve e rrit sigurinë në shkolla si dhe është hap i mirë edhe për shëndetin mendor të nxënësve.
Musmurati ka premtuar se asnjë shkollë e kryeqytetit nuk do të mbetet pa psikolog.
“Po, shëndetin mendor dhe sigurinë në shkolla e kam shumë seriozisht! Sot e hapëm konkursin për punësimin e 25 psikologëve shkollorë dhe dëgjuam kërkesat e nxënësve, prindërve dhe mësimdhënësve të Prishtinës. Nuk do ta lëmë asnjë shkollë pa psikolog! Një zotim i përmbushur për të jetësuar planin për siguri në shkolla”, ka deklaruar ajo.
Konkursi për psikologë do të jetë i hapur 15 ditë nga data e publikimit nga 10.10.2022 deri më datën 24.10.2022.