Komuna e Prishtinës ka njoftuar se Ministria e Financave, Punës dhe Transfereve ka lansuar sistemin e ri të tatimit në pronë, si zëvendësim i sistemit të kaluar.
Në njoftimin e bërë publik në faqen “Kryeqyteti Prishtina”, thuhet se sistemi mbetet në fazat e finalizimit.
“Të dashur qytetarë, ju informojmë se Ministria e Financave, Punës dhe Transfereve ka lansuar sistemin e ri të tatimit në pronë, i cili zëvendëson sistemin e kaluar. Aktualisht, sistemi ende nuk është finalizuar dhe për momentin mundëson vetëm shikimin/printimin e faturave (me disa vështirësi në gjenerim)”.”, thuhet në njoftim.
Mes të tjerash, komuna ka njoftuar se nuk mund të bëhet veprime të tjera deri në përfundimin e plotë të këtij sistemi të ri.