Kongresisti amerikan: Kosova histori suksesi e demokracisë në Ballkanin Perëndimor dhe një aleat i palëkundur i SHBA-ve

Gjatë takimit me ministren Donika Gërvalla, kongresisti amerikan, Ritchie Torres ka njoftuar se diskutuan për agresionin me të cilin po përballet Kosovës nga Serbia në veri

Kongresisti amerikan, Ritchie Torres është takuar me ministren e Punëve të Jashtme të Kosovës, Donika Gërvalla, teksa thekson se Kosova është histori suksesi në Ballkanin Perëndimor dhe aleat i palëkundur i Shteteve të Bashkuara të Amerikës.

Kështu u shpreh ai në një postim në llogarinë e tij në platformën “X”, ku thotë se gjatë takimit me Gërvallën diskutuan për agresionin me të cilin po përballet Kosovës nga Serbia në veri.

“Si kongresmen për Bronksin, ku jetojnë mijëra shqiptarë nga Kosova, pata një takim produktiv me Ministren e Jashtme, Donika Gërvalla, për agresionin me të cilin po përballet Kosova gjithnjë e më shumë nga Serbia në veri. Unë qëndroj me Kosovën, e cila është një histori suksesi e demokracisë në Ballkanin Perëndimor dhe një aleat i palëkundur i Shteteve të Bashkuara”, shkroi Torres.

Për këtë takim, disa fjalë shkroi edhe ministrja e këtij dikasteri.

Teksa takimin e cilëson si të shkëlqyer, Gërvalla thotë se kongresisti amerikan gjatë takimit ka theksuar nevojën për veprim kundër regjimit të presidentit serb, Aleksandër Vuçiq, për të parandaluar përshkallëzimin e mëtejshëm.

“Takim i shkëlqyer me kongresmenin Ritchie Torres, një mbështetës i vendosur i Kosovës. Ai trajtoi zhvillimet rajonale, agresionin e Serbisë ndaj Kosovës dhe theksoi nevojën për veprim kundër regjimit të Vuçiqit për të parandaluar përshkallëzimin e mëtejshëm. Gjithashtu diskutuam aspiratat tona për anëtarësim në NATO”, shkroi Gërvalla.

Shija e redaktorit

Garat e çiklizmit, edhe sot bllokim i përkohshëm i qarkullimit...

Policia e Kosovës ka njoftuar se edhe të shtunën, më 21 qershor 2025, do të ketë bllokim të përkohshëm të qarkullimit për automjetet në...

Vasfije Krasniqi rrëfen historinë e saj në OKB: Drejtësia është...

Vasfije Krasniqi ka ndarë rrëfimin e saj si e mbijetuar e dhunës seksuale në luftën e fundit në Kosovë, në Kombet e Bashkuara në...

Në ditën e çlirimit të komunës, përurohet memoriali i dëshmorëve...

Në tokën kur dikur u derdh gjak për liri, sot përjetësohen emrat që nuk do të shuhen kurrë. Në ditën e çlirimit të komunës së...

Të fundit nga rubrika