Kryetari i Kuvendit të Kosovës, Glauk Konjufca së bashku me presidenten, Vjosa Osmani kanë pritur në iftar udhëheqësinë e Bashkësisë Islame të Kosovës (BIK).
Kryeparlamentari Konjufca ka thënë se është një mundësi e veçantë për të forcuar marrëdhëniet me BIK-un dhe për të promovuar respektin dhe bashkëpunimin.
“Me kënaqësi i kemi ftuar sonte udhëheqësinë e BIK-ut për të marrë pjesë në iftarin tonë të posaçëm në Shtëpinë e Popullit, në Kuvendin e Republikës së Kosovës, bashkë me Presidenten Vjosa Osmani. Është një mundësi e veçantë për të forcuar marrëdhëniet ndërmjet nesh dhe për të promovuar respektin dhe bashkëpunimin. Urojmë një mbrëmje të këndshme dhe të bekuar për të gjithë pjesëmarrësit e këtij iftari”, ka shkruar Konjufca.