Kryetari i Kuvendit të Kosovës, Glauk Konjufca, i ka uruar Pashkët për të gjithë qytetarët e besimit katolik dhe protestant.
Në një postim në Facebook, Konjufca uroi që kjo festë të vijë në të gjitha familjet e shoqërinë me shëndet, begati, dashuri e ngrohtësi për njëri-tjetrin, e të mbushur me besim e shpresë për të ardhmen e përbashkët.
“Kjo festë na sjell mesazhin e besimit, angazhimit për atë që është e mirë, thirrje për të përqafuar të drejtën, për të punuar për një shoqëri që me sakrificë i tejkalon vështirësitë përpara e i hap vetes të ardhmen shpresëplotë”, ka shkruar kryeparlamentari Konjufca.
Pashkët janë festa kryesore e besimit të krishterë, e cila shënon ringjalljen e Jezu Krishtit nga vdekja sipas besimeve të krishtera.
Pashkët gjithashtu shënojnë fillimin e pranverës në disa kultura dhe janë një kohë për bashkërendim dhe festim për komunitetin e besimtarëve.