Në stadiumin “Fadil Vokrri” në Prishtinë, Kosova ka thelluar epërsinë ndaj Qipros, në ndeshjen e raundit të fundit në kuadër të Grupit 2 në Ligën C të Ligës së Kombeve.
Golin e dytë për Dardanët e ka shënuar Donat Rrudhani në minutën e 45-të, me asistim nga Vedat Muriqi, kështu duke e përfunduar pjesën e parë dy me zero.
Ndërsa, golin e parë për ekipin kosovar e ka shënuar Florent Muslija në minutën e 22-të.
Qiproja është kundërshtari i Dardanëve, ndërsa të dyja këto skuadra kanë për qëllim që të shmangin rënien në Ligën D, me këtë rezultat Kosova qëndron në Ligën C.
Kosova në 5 ndeshjet e fundit ka dy fitore dhe tre humbje. Kurse, ndeshjen e parë ndaj Qipros e kishte fituar me rezultat 0 me 2.