Në mbledhjen e Qeverisë së Kosovës që është mbajtur këtë të premte, kryeminsitri Kurti ka vendosur që të obligojë shtetasit e Rusisë për pajisje me vizë për leje qëndrim në Kosovë.
Në këtë mbledhje kryeministri, Albin Kurti ka thënë se shtetasit rusë me pasaporta të rregullta, zyrtare e diplomatike si dhe ata që kanë leje qëndrimi biometrik valid të lëshuar nga shtetet e zonës Schengen do të obligohen të pajisen me vizë të Kosovës për hyrje, transit dhe qëndrim në Republikën e Kosovës.
Ndërsa, zëvendësministrja e Ministrisë së Punëve të Jashtme dhe Diasporës, Liza Gashi, është shprehur se një vendim i tillë do të kontribuonte në vazhdimin e bashkëpunimit të ngushtë me Bashkimin Evropian.
Gashi ka shtuar se “Ky propozim i MPJD-së është në raport me obligimet ndërkombëtare që Kosova ka marrë në koherencë me vendimin e fundit të BE-së për pezullimin e marrëveshjes për lehtësimin të marrjes së vizave Schengen për shtetasit rusë”.