Të mërkurën e 10 gushtit, kryetari Partisë Demokratike të Kosovës(PDK), Memli Krasniqi, ka kujtuar dëshmorët e kombit në përvjetorin e rënies se tyre për lirën e Kosovës.
Krasniqi ka thënë se heroi i Kosovës Bekim Berisha Abeja, kishte kontribuuar për lirinë e vendin më përvojën e tij, luftarake në Kroaci e Bosnje.
“Me përvojën e tij luftarake në Kroaci e Bosnje, “Abeja” u shqua për kontributin e tij të madh në luftën e Ushtrisë Çlirimtare të Kosovës, për çlirimin e atdheut”, ka thënë Krasniqi.
“Me nderimet më të larta kujtojmë heroin Bekim Berisha-Abeja dhe bashkëluftëtarët e tij, Bedri Shala, Elton Zherka dhe Përmet Vula, të cilët dhanë jetën më 10 gusht të vitit 1998 në Betejën e Junikut”, ka shtuar ai.
Sipas tij, veprat e këtyre heronjve të kombit, do të jetë përherë e mbuluar me lavdinë e përjetshme të historisë së lirisë së Kosovës.