Deputetja e Lidhjes Demokratike të Kosovës (LDK), Rrezarta Krasniqi ka reaguar lidhur me vendimin e MINT-it për mediumin Klan Kosova.
Përmes një postimi, Krasniqi e ka cilësuar kryeministrin Kurti “Kryekrizëtari Albin” dhe se sipas saj, i njëjti “krizat i ka ushqim”.
“Albini nuk e njeh as nuk e do Kosovën demokratike prandaj, nuk e duron fjalën e lirë, mirëpo po vjen koha që edhe demokracia nuk do ta duron dhe toleron më atë”, ka shkruar Krasniqi.
Deputetja Krasniqi i’u ka drejtuar kreut të ekzekutivit duke thënë se “ne e kem atdhe këtë vend, nuk do të lejojmë që ta rrënosh”.
Ministria e Industrisë, Ndërmarrësisë dhe Tregtisë përmes një njoftimi ka bërë të ditur se Komisioni për Shqyrtimin e Ankesave për Regjistrimin e Bizneseve ka marrë sot vendim për refuzimin e ankesës së Shoqërisë Tregtare “Klan Kosova sh.p.k.”.
Kështu, ky Komision ka konstatuar se ARBK-ja “në shkallën e parë, ka vendosur në përputhje me ligjin kur e pezulloi certifikatën e biznesit të Klan Kosovës sh.p.k.”.