Kreu i Partisë Demokratike të Kosovës, Memli Krasniqi, ka reaguar pas vrasjes së trefishtë që ndodhi të dielën në Gjilan.
Ai e ka cilësuar këtë ngjarje si një alarm për pasigurinë dhe rritjen e fenomeneve negative kriminale në vend.
Krasniqi u ka bërë thirrje institucioneve që të veprojnë me shpejtësi për të ndëshkuar përgjegjësit dhe për të rikthyer sigurinë dhe besimin e qytetarëve.
“Ngjarja tragjike e sotme në Gjilan, ku u vranë tre persona, është një dhembje e madhe për të gjithë. Ky është një tjetër alarm për pasigurinë, kriminalitetin dhe fenomenet negative që po rriten vitet e fundit në Kosovë. Institucionet duhet të veprojnë shpejt për t’i sjell akterët para drejtësisë, por edhe për të rikthyer sigurinë dhe besimin e qytetarëve. Ngushëllimet më të sinqerta për familjet e viktimave!,” ka shkruar Krasniqi në Facebook.