Kreu i PDK-së, Memli Krasniqi, ka bërë homazhe në Kompleksin Memorial në fshatin Poklek, ku 24 vjet më parë u vranë 53 persona, në mesin e tyre edhe 23 fëmijë.
Ai ka thënë se kjo masakër, “shpërfaq në formën më të rëndë terrorin që regjimi gjenocidal serb ka kryer mbi popullatën civile shqiptare”.
Dhimbja shtohet më shumë sipas Krasniqit, fakti që nuk ka asnjë të dënuar për kryerjen e masakrës.
“Sa më shumë shkojnë vitet, aq më shumë na shtohet dhembja e pikëllimi – kur dihet që asnjë nga kriminelët serbë, pjesëmarrës në këtë masakër, nuk kanë dalë para drejtësisë deri më sot”, tha ai.
I pari i PDK-së, u shpreh se “populli dhe shteti i Kosovës asnjëherë nuk do t’i harrojë këto krime – derisa ato të zbardhen dhe përgjegjësit të marrin dënimin e merituar”.