Kryetari i Partisë Demokratike të Kosovës(PDK), Memli Krasniqi ka njoftuar se ka pritur në takim ambasadorin e Turqisë në Kosovë, Çağrı Sakar.
“Në përfundim të mandatit të tij, pata kënaqësinë që ta mirëpres sot në selinë e Partisë Demokratike të Kosovës, ambasadorin e Turqisë në Kosovë, Çağrı Sakar”, ka shkruar Krasniqi.
I pari i PDK-së ka bërë të ditur se Ambasadorit Sakar i ka shprehur mirënjohjen e tij “për punën dhe angazhimin e tij në përforcimin e bashkëpunimit bilateral Kosovë – Turqi”.
Mes tjerash Krasniqi ka thënë se mbështetja e Turqisë në rrugën e shtetndërtimit të Kosovës ka qenë dhe mbetet tejet e rëndësishme.
“Për përkushtimin aktiv të tij, Ambasadori Sakar do të mbetet përherë një mik i çmuar i vendit tonë!”, ka shtuar tutje ai.