Kryetari i Partisë Demokratike të Kosovës (PDK), Memli Krasniqi, në Bruksel ka takuar presidentin e Partisë, Aleanca e Liberalëve dhe Demokratëve të Evropës (ALDE) Ilhan Kyuchyuk dhe sekretarin e përgjithshëm, Didrik De Schaetzen, të cilët i ka falënderuar për mbështetjen e vazhdueshme ndaj PDK-së.
I pari i PDK-së ka thënë se në këtë takim kanë diskutuar për zhvillimet e fundit politike në Kosovë, rajon dhe Evropë.
“Bashkë me dy miqtë e mi diskutuam edhe për zhvillimet e fundit politike në Kosovë, rajon dhe Evropë, e veçanërisht për përgatitjet e partive anëtare të ALDE-s për zgjedhjet e ardhshme për Parlamentin Evropian, në pranverën e vitit 2024”, ka shkruar Krasniqi.