Kryetari i Partisë Demokratike të Kosovës, Memli Krasniqi ka pritur në takim të Ngarkuarën me Punë në Ambasadën Amerikane në Kosovë, Anu Prattipati.
Krasniqi ka njoftuar se kanë diskutuar për zhvillimet aktuale, ku ka theksuar nevojën që institucionet e reja të themelohen sa më parë, duke konsideruar që vonesat po dëmtojnë funksionimin normal të shtetit.
“PDK do të vazhdojë të veprojë me përgjegjësi, në interes të qytetarëve, për stabilitet institucional dhe mbetet e përkushtuar për partneritet të ngushtë me Shtetet e Bashkuara dhe aleatët tanë perëndimorë”, ka shkruar lideri i PDK-së në Facebook.