Samiti i sotëm i NATO-s në Hagë është cilësuar si një ndër më të rëndësishmit e viteve të fundit, veçanërisht në kontekstin e pasigurive globale dhe retorikës së mëhershme të ish-presidentit amerikan Donald Trump. I ftuar në emisionin “Five”, profesori Kolë Krasniqi vlerësoi se ky samit është “i një rëndësie të jashtëzakonshme”.
“Presidenti Trump disa herë kishte deklaruar se ndoshta do të tërhiqej nga NATO – dhe kjo do të shënonte një shpërbërje të aleancës më të fuqishme dhe të një mekanizmi që ka garantuar paqen dhe ka vendosur stabilitet në rajonet e krizave”, tha Krasniqi.
Ai rikujtoi ndërhyrjet vendimtare të NATO-s në konflikte të ndryshme, përfshirë Kosovën dhe Bosnjën, por edhe disa angazhime në Lindjen e Afërt.
“Deklarimi i presidentit Trump se qëndron prapa NATO-s dhe do ta mbështesë atë, është një sinjal shumë pozitiv dhe inkurajues për aleancën, për sigurinë globale dhe për vetë qëndrueshmërinë e botës perëndimore”, theksoi ai.