Kryetari i Partisë Demokratike të Kosovës, Memli Krasniqi, në 18 vjetorin e vdekjes së ish-presidentit Ibrahim Rugova, ka kujtuar dhe nderuar figurën e tij dhe angazhimin e gjatë politik për shtet të pavarur dhe sovran.
Në një postim në Facebook, Krasniqi tha se vepra intelektuale dhe politike e Dr. Ibrahim Rugovës ka lënë gjurmë në historinë e popullit të Kosovës.
“Vizioni i tij për orientimin euro-atlantik të Kosovës duhet vlerësuar gjithmonë, ashtu si edhe shembulli që dha në kultivimin dhe ruajtjen e raporteve të mira me aleatët e shtetit tonë. Vepra intelektuale dhe politike e Dr. Ibrahim Rugovës ka lënë gjurmë në historinë e popullit tonë dhe si e tillë mbetet e veçantë, si një kontribut i çmuar në arritjen e qëllimeve tona për liri dhe pavarësi”, shkroi ai.