Një vrasje e rëndë ka ndodhur në rrugën Klinë-Gjakovë, ku si pasojë e të shtënave me armë zjarri një person ka humbur jetën, ndërsa një person ka mbetur i plagosur.
Rastin e ka konfirmuar për RTV Dukagjini, Zëdhënësi i Policisë së Pejës, Fadil Gashi.
“Ngjarja ka ndodhur në orët e mbrëmjes në fshatin Volljak të Klinës, më saktësisht në parkingun e Restaurantit “Villa Park”, rreth orës 20:30″, ka thënë Gashi.
Sipas Gashit, nga të shtënat me armë zjarri një person ka mbetur i vdekur ndërsa një tjetër është plagosur.
Rasti po vazhdon të hetohet nga Drejtoria Rajonale e Policisë në Pejë.
Ndërkohë, tre persona kanë mbetur të arrestuar në lidhje me këtë rast.