Kryeministri i Kosovës, Albin Kurti, ka uruar të gjithë besimtarët myslimanë me rastin e festës së Kurban Bajramit.
“Uroj që kjo festë të sjellë paqe e lumturi në zemrën e secilit e solidariteti të jetë udhërrëfyes i përhershëm”, ka shkruar ai në Facebook, pak minuta pas përfundimit të faljes së Kurban Bajramit.
Tutje, kryeministri Kurti ka bërë thirrje që të rikujtohen qëllimet e festës së Kurban Bajramit, dhe të ndihmohen skamnorët, jetimët, të dobëtit dhe të vetmuarit.
“Me synim tjetrin e jo veten, në këtë ditë rikujtojmë mësimet hyjnore për t’u treguar bujarë e zemërgjerë, sidomos me skamnorët, jetimët, të dobëtit dhe të vetmuarit”, ka thënë ai.
Me rastin e festës së Kurban Bajramit, ditën e parë, më 9 korrik 2022, Kryesia e BIK, organizon pritje përurimi në selinë e Kryesisë nga ora 9:00 deri në orën 12:00.