Kryetarët e komunave të veriut do të takohen sot me ambasadorin e Shteteve të Bashkuara të Amerikës në Kosovë, Jeffrey Hovenier.
Këtë e ka konfirmuar për RTV Dukagjinin, kryetari i Zubin Potokut, Izmir Zeqiri.
Kryetari i Zubin Potokut, Izmir Zeqiri, ka thënë se fillimisht do të shkojë për takim me ambasadorin Hovenier e pastaj do të vendosë a të shkojë në komunë a po jo.
Në takim pritet të diskutohet për situatën e krijuar së fundmi në veri.
Ndryshe, në tri komunat veriore qytetarët serbë të udhëhequr nga Lista Serbe, janë mbledhur për të protestuar në kundërshtim të kryetarëve të sapozgjedhur në veri.