Furnizimi me ujë për zonat e prekura nga sulmi terrorist në kanal të Ibër-Lepencit po kthehet në normalitet.
Kështu ka bërë të ditur ministrja e Ekonomisë, Artane Rizvanolli, e cila ka shkruar në Facebook se të shtunën vonë ka filluar furnizimi me ujë në Mitrovicë të Jugut, Mitrovicë të Veriut dhe Zveçan.
Pas dëmeve që ka shkaktuar shpërthimi me eksplozivë, reduktime të ujit ka pasur edhe në Drenas, Fushë-Kosovë e Obiliq.
Furnizimi me ujë pritet të normalizohet edhe në këto komuna.