Kryeministri i Kosovës, Albin Kurti, të hënën e 19 qershorit ka emëruar ish-zëvendësministrin e Zhvillimit Rajonal, Agon Dobruna, zëvendësministër të Financave, Punës dhe Transfereve.
Kështu është bërë e ditur në njoftimin e zyrës së kryeministrit.
Ndërkaq në pozitën e zëvendësministrit të Zhvillimit Rajonal, kryeministri emëroi Ali Tafarshikun.
“Kryeministri Kurti i ka uruar për pozitën e re dhe u ka dëshiruar suksese në punën dhe angazhimin e ri, Dobruna dhe Tafarshiku”, thuhet në njoftim.