Kryeministri i Kosovës, Albin Kurti, ka thënë se dokumentacionet e deritanishme që i ka siguruar Policia e Kosovës, tregojnë se sulmi terrorist në Banjskë të Zveçanit më 24 shtator kishte për qëllim aneksimin e veriut.
Kurti theksoi se kjo do të behej përmes një sulmi të koordinuar në 37 pozicione, derisa shtoi se pastaj sipas planit do të pasonte edhe krijimi i një korridori për në Serbi në mënyrë që të mundëohej furnizimi me armë dhe trupa.
“Në bazë të dokumentacionit të konfiskuar, Policia e Kosovës, kanë konfirmuar se sulmi terrorist ishte pjesë e një plani më të madh për të aneksuar veriun e Kosovës përmes një sulmi të koordinuar në 37 pozicione të dallueshme. Do të pasonte krijimi i një korridori për në Serbi, për të mundësuar furnizimin me armë dhe trupa”, ka shkruar Kurti në platformën sociale X.
Based on confiscated documentation, @Kosovo_Police have confirmed that the terrorist attack was part of a larger plan to annex the north of Kosova via a coordinated attack on 37 distinct positions. Establishing a corridor to Serbia would follow, to enable supply of arms & troops.
— Albin Kurti (@albinkurti) October 2, 2023
Mbrëmë, kryeministri Kurti ka publikuar disa pamje, të cilat, sipas tij, dëshmojnë stërvitjet e terroristëve serbë që vranë dhe kryen sulmin e 24 shtatorit në Banjskë.
Në një positm në llogarinë e tij në “X”, Kurti ka thënë se terroristët ishin trajnuar katër ditë para sulmeve, në njërën prej bazave kryesore të Ushtrisë Serbe, Pasuljanske Livade.
Të tjera stërvitje, Kurti thotë se u zhvilluan në bazën e Kopaonikut.
Për sulmin në veri, kreu i ekzekutivit thotë se u bë nën mbështetjen dhe planifikimin e plotë të shtetit serb që drejtohet nga Aleksandar Vuçiq.
Pictured: The terrorists who carried out the attacks trained in Pasuljanske Livade, one of the Serbian Army’s key bases, ~4 days before the attacks. Other exercises took place in the Kopaonik base. The attacks enjoyed the full support & planning of the Serbian state. pic.twitter.com/eWp4dMsGee
— Albin Kurti (@albinkurti) October 1, 2023