Kryeministri i Kosovës, Albin Kurti, ka udhëtuar të mërkurën e 21 qershorit për në Itali.
Kështu ka bërë të ditur Zyra e Kryeministrit.
Ndërkaq të enjten do të vizitojë Selinë e Shenjtë në Vatikan, ku do të takohet me Papa Françeskun dhe me sekretarin e Shtetit të Selisë së Shenjtë, Kardinalin Pietro Parol.
“Kryeministri i Republikës së Kosovës, Albin Kurti, ka udhëtuar sot për në Itali. Nesër kryeministri do të vizitojë Selinë e Shenjtë në Vatikan ku do të takohet me Papa Françeskun dhe me Sekretarin e Shtetit të Selisë së Shenjtë, Kardinalin Pietro Parol”, thuhet në komunikatë për media.