Kryetari i Lidhjes Demokratike të Kosovës, Lumir Abdixhiku, përmes një postimi në Facebook ka shkruar se ndihet i nderuar me ftesën e NDI-së për pjesëmarrje në Konventën e Demokratëve në Çikago.
Ai ka bërë të ditur se në Konventë ka deleguar profesorin, Alush Gashi.
“I nderuar me ftesën e NDI për pjesëmarrje në Konventën e Demokratëve në Çikago. Në këtë Konventë kam deleguar profesorin e nderuar Alush Gashin, bashkëpunëtorin e ngushtë e anëtarin e Kryesisë Qendrore të Lidhjes Demokratike të Kosovës,” shkruan Abdixhiku.
Abdixhiku shkruan se Gashindo të qëndrojë për katër ditët e punimeve të Konventës, ku pritet konfirmimi i kandidates për president nga radhët e demokratëve, nënkryerarja e tanishme, Kamala Harris.
“LDK angazhohet për marrëdhënie të mira me të dy partitë e mëdha amerikane, si faktor e kontributdhënës historik në kauzën tonë për liri, pavarësi e demokraci. Mbi të gjitha, me rrugëtimin e ngushtë me aleatët tanë identirar, SHBA-të, drejt realizimit të qëllimeve tona kombëtare.”