Lëkundje të forta të tokës janë ndjerë në orët e para të mëngjesit të sotëm në Shqipëri.
Tërmeti i parë është regjistruar në ora 05:04 me magnitudë 4.5 të shkallës Rihter, me epiqendër rreth 16 kilometra në veriperëndim të Tiranës, sipas Qendrës Sizmologjike Evropiane (EMSC).
Pas tij janë regjistruar disa lëkundje të tjera më të lehta: një me magnitudë 2.2, një tjetër 2.6, më pas 3.0 dhe 3.4.
Tërmeti i fundit është shënuar në ora 05:45, rreth 20 kilometra në veriperëndim të kryeqytetit.
Deri në këto momente nuk raportohet për të lënduar apo dëme materiale.