Përfaqësuesit e platformës “Liria ka Emër”, Eliza Hoxha dhe Ismail Tasholli ka vizituar sot, Vushtrrinë, ku është pritur në takim nga kryetari Ferit Idrizi.
Sipas njoftimit ata kanë marrë mbështetjen edhe nga Komuna e Vushtrrisë për marshin “Drejtësi, jo politikë”, i cili do të mbahet më 17 shkurt në Prishtinë.
“Faleminderit Kryetarit të Komunës së Vushtrrisë, Ferit Idrizi, dhe kabinetit të tij per pritjen dhe mbështetjen e dhënë Marshit “Drejtësi, jo politikë”. Mbeshtetja nga Vushtrria eshte deshmi se kjo kauzë e bashkon të gjithë Kosovën reth parimeve të drejtësisë, dinjitetit njerëzor dhe vlerave te luftes çlirimtare. Më 17 shkurt, në Prishtinë, marshojmë bashkë për drejtësi të paanshme. Drejtësi, jo politikë!”, thuhet në njoftim.