Presidenca franceze ka njoftuar se nesër, të dielën, do të zhvillohet një takim i “koalicionit të të vullnetshmëve” – aleatëve kryesorë evropianë të Ukrainës – në prag të vizitës së Presidentit Volodymyr Zelensky në Shtëpinë e Bardhë të hënën.
Sipas Pallatit Elize, takimi nesër do të bashkëkryesohet nga Presidenti francez Emmanuel Macron, Kancelari gjerman Friedrich Merz dhe Kryeministri britanik Keir Starmer, raporton CNN.
Takimi do të mbahet me video-konferencë dhe do të fillojë në orën 3 pasdite sipas orës lokale tha Presidenca franceze.
Do të jetë takimi i dytë brenda një jave i koalicionit, i cili u krijua më parë këtë vit për t’i ofruar Ukrainës garanci sigurie në rast të një armëpushimi.