Të premten, pasi u krijua frikë për një krizë globale ushqimore, Ukraina dhe Rusia nënshkruan një marrëveshje të mbështetur nga Organizata e Komebeve të Bshkuara (OKB), për të lejuar eksportimin e grurit, misrit dhe farave vajore të Ukrainës.
Por, gjetja e anijeve dhe ekuipazhit në dispozicion për të transportuar këto ngarkesa nuk është punë brenda natës, raporton The Guardian, transmeton Dukagjini.
Kompanitë e transportit, si dhe tregtarët e grurit, e kanë mirëpritur marrëveshjen si një hap pozitiv, por paralajmëruan se kanë mbetur disa pengesa, duke përfshirë garantimin e sigurisë së detarëve dhe anijeve.
Si hap i parë, ujërat bregdetare të Ukrainës do të duhet të çminohen, ose të paktën një korridor që shtrihet disa kilometra do të duhet të pastrohet. Ka pasur raporte të përziera nga Kievi se sa kohë do të zgjaste kjo, me vlerësime që mund të niset nga 10 ditë në disa muaj.
Një armadë prej 400 anijesh mallrash me shumicë, të dizajnuara për transportimin e mallrave bujqësore ndërmjet kontinenteve, ku secila duhet të jetë në gjendje të mbajë deri në 50 mijë ton, për transportimin e 20 milionë tonëve drithë të ngecur në dyqanet e Ukrainës.
Analistët e anijeve vlerësojnë se do të duhen disa javë që anijet të ridrejtohen në Detin e Zi. Kjo varet nga gjendja e anijeve në zonat e afërta, si në Mesdhe, sipas kryeanalistit në firmën analitike të tregut të mallrave Xeneta, Peter Sand.
Më shumë se 100 anije nuk kanë qenë në gjendje të largohen nga portet e Ukrainës që nga fillimi i konfliktit, shumica e të cilave mendohet të jenë anije mallrash me shumicë.
Megjithatë, këto mund të mos jenë në gjendje të lundrojnë menjëherë, sipas sekretarii të përgjithshëm të Dhomës Ndërkombëtare të Transportit Guy Platten.
“Anijet janë ndalur në thelb që nga 24 shkurti, kështu që ne duhet të sigurohemi që ato të jenë të detajuara. Ne duhet të sigurohemi që ekuipazhi i duhur të jetë në bord, sepse shumë nga ekuipazhet janë evakuuar”, ka thënë Platten.
Rreth dy mijë detarë ishin në bord të anijeve të ankoruara në portet e Ukrainës kur filloi pushtimi dhe industria e anijeve ka punuar për t’i riatdhesuar ata gjatë muajve të fundit, duke lënë pas vetëm një staf skelet prej rreth 450 ekuipazhi.
Është e paqartë nëse Ukraina do të jetë në gjendje të sigurojë një numër të mjaftueshëm detarësh që nuk janë të përfshirë në konflikt për stafin e fletëlejes së grurit. Para luftës, rusët dhe ukrainasit përfaqësonin rreth një të pestën e të gjithë anëtarëve të ekuipazhit.
Pasi anijet dhe ekuipazhi të jenë siguruar, pronarët e anijeve do të duhet të marrin “sigurim lufte” adekuat për të mbuluar anijen dhe ekuipazhin, i cili padyshim do të vijë me prime më të larta të bashkangjitura.
Edhe atëherë, pronarët e anijeve mund të hezitojnë të dërgojnë asetet dhe njerëzit e tyre për të ndërmarrë këtë lloj misioni, pavarësisht garancive ndërkombëtare.
Vendosja e të gjitha këtyre gjërave në vend do të marrë kohë dhe ora po troket. Fermerët ukrainas do të fillojnë të korrin të korrat e tyre pranverore dhe hapësira duhet të lirohet brenda kapanoneve të grurit të vendit.
Zelenskyy: Sulmi në Odessa, mënyrë e Rusisë për moszbatimin e marrëveshjes së grurit
Ulet çmimi i grurit, pas marrëveshjes së arritur në Turqi për eksport