Këtë të martë është mbajtur takimi i parë i Bordit të Asociacionit të Komunave të Kosovës (AKK) për vitin 2023, ku janë shqyrtuar raportet vjetore të vitit 2022 dhe planet për vitin 2023.
“Në këtë takim të Bordit morën pjesë z.Agim Aliu, Kryetar i AKK-së, z.Imri Ahmeti, Zëvendëskryetari i AKK-së dhe Anëtarët e Bordit z. Xhafer Gashi, z.Sokol Haliti, z.Shaqir Totaj e z.Bali Muharremaj si dhe z. Sazan Ibrahimi Drejtor Ekzekutiv i AKK-së”, njofton Asociacioni i Komunave të Kosovës(AKK).
Gjatë këtij takimi është diskutuar për “Draft Raportin Tabelar të AKK-së 2022, Draft Raportin Narrativ 2022, Draft Raportin e Rekomandimeve të AKK-së 2022, Draft Tabelën e Trajnimeve e Qendrës së Trajnimeve 2022, Pasqyrën Financiare 2022, Propozim Planin e Punës 2023 dhe Propozim Buxhetin e AKK-së për vitin 2023”.
Bordi i Asociacionit të Komunave të Kosovës ka shqyrtuar dokumentet raportuese të punës dhe financiare për vitin 2022 dhe planifikimeve për vitin 2023 ku kanë analizuar dhe diskutuar veçmas për secilin prej tyre.
“Me këtë rast Anëtarët e Bordit të AKK-së kanë dhënë vërejtje, sugjerime dhe komente shtesë në secilin prej tyre dhe nëpër pjesë të caktuara të dokumenteve”, thuhet tutje në njoftimin e AKK-së.
Tutje, njoftohet se në fund të këtij takimi janë aprovuar dokumentet e trajtuara në këtë takim të Bordit të AKK-së.