Rreth 868 palestinezë u vranë në Gaza vetëm gjatë luftës 12-ditore midis Iranit dhe Izraelit, sipas një llogaritjeje të BBC-së bazuar në të dhënat e Ministrisë së Shëndetësisë të kontrolluar nga Hamasi.
BBC ka intervistuar disa banorë të qytetit Khan Younis, të cilët tregojnë përjetimet e tyre gjatë kësaj periudhe të dhunshme.
“Bombardimet izraelite u intensifikuan, dëmet u rritën dhe inkursionet u zgjeruan… ne vetëm ndjemë shkatërrimin”, ka thënë Nader Ramadan.
Sanaa Abu Mousa rrëfen se “gjërat shkuan nga keq në më keq”.
Familja e saj kishte vështirësi për të gjetur ushqim dhe u detyruan të largoheshin nga shtëpia për të kërkuar siguri.
Ndërsa Adel Abu Reda thekson mungesën e ndihmës dhe plaçkitjet: “Sendet po shiteshin me çmime të larta dhe civilët që përpiqeshin të merrnin ushqim, shpesh binin pre e zjarrit izraelit”./BBC