“Shkollat fillore dhe të mesme në komunat në veri të Kosovës nuk do të punojnë deri në njoftimin e radhës, për shkak të situatës aktuale të sigurisë”.
Kështu kanë bërë të ditur ekipi i gazetarëve të RTV Dukagjini që ndodhen në vendin e ngjarjes.
Ndërkaq, edhe të hënën e 12 dhjetorit po vazhdojnë të qëndrojnë barrikadat në veri të Mitrovicës, të vendosura nga serbët lokalë pas arrestimit të ish-policit, Dejan Pantiq.
Ndryshe, të dielën e 11 dhjetorit ka ndodhur një shpërthim rreth orës 22:00 afër shkollës teknike në veri të Mitrovicës.
Në afërsi të kësaj shkolle, është hedhur një mjet piroteknik, megjithatë shpërthimi ishte mjaft i fortë.