Ministri i Mbrojtjes, Armend Mehaj, ka thënë se përvjetori i katërt i Ushtrisë së Kosovës, e gjen këtë forcë me suksese të mëdha.
Në një shkrim në rrjetin social Facebook, Mehaj ka thënë se përkundër sfidave, “rrugëtimi me vizion të qartë është i pandalshëm drejt synimit tonë”.
“Ushtri me ushtarakë me moral të lartë, të arsimuar, stërvitur, të pajisur dhe të gatshëm për realizimin e misionit të shenjtë në mbrojtje të Atdheut dhe qytetarëve tanë. Ushtri e ndërtuar, zhvilluar dhe avancuar mbi gjakun, djersën e mundin e heronjve , dëshmorëve e martirëve të kombit ndër breza. Urime qytetarë të dashur! Urime ushtarakë, ju gardianë të Lirisë e Republikës sonë!” ka shkruar Mehaj në Facebook.
Tutje, Mehaj ka uruar qytetarët, ushtarakët dhe gardianët e Republikës së Kosovës.
“Urime qytetarë të dashur. Urime ushtarakë, ju gardianë të Lirisë e Republikës sonë”, ka përfunduar Mehaj.
Në vitet e fundit, Qeveria ka ndarë buxhetin më të madh ndonjëherë për mbrojtje.
Në katërvjetorin e vendimit për formimin e Ushtrisë, Kosova ka nënshkruar aplikimin për pranim në Bashkimin Evropian.