Analisti Lirim Mehmetaj ka deklaruar në Debat Plus se kandidati i LVV-së për kryetar të Obiliqit, Halil Thaçi, mund të mos i duhen votat për shkak të hetimeve që Prokuroria ka nisur për falsifikim diplomash.
“Unë mendoj që në Obiliq ka mundësi që zoti Halil Thaçi hiç mos të jetë kandidat kryetar, sepse me gjasë atij do t’i ngrehet aktakuzë se Prokuroria tashmë ka filluar hetimet për falsifikim të diplomave”, ka deklaruar Mehmetaj.
Ai shtoi se një prej personave që ka ndihmuar për të marrë diploma false, me qëllim që të punësohen pastaj partiakisht në KEK, është po ashtu Halil Thaçi.
“Edhe siç i kam treguar Prebrezës, një prej emrave që përmendet nga të intervistuar se i ka cyt me marrë diploma fallc, tashmë e konfirmuar që kanë marrë diploma, një prej personave që i ka cyt me marrë diploma fallc për me me i punësu pastaj partiakisht në KEK është edhe zoti Halil Thaçi”, deklaroi ai.
Ai gjithashtu tha se aktualisht po përgatitet një investigim nga ana e tij për rreth 50 punësime partiake të njerëzve të LVV-së në KEK.