Ministri i Infrastrukturës, Liburn Aliu e ka vizituar sot ish-luftëtarin e UÇK-së, i liruar ditë më parë nga Gjykata Speciale, Hysni Gucati.
Ministri Aliu ka bashkëbiseduar për shumë gjëra me Gucatin.
Në mesin e diskutimeve ishte dhe lirimi i ish-krerëve të UÇK-së të cilët po gjykohen në Hagë.
“Në odë tek luftëtari i lirisë Hysni Gucati, të cilit i uruam mirëseardhje dhe bashkëbiseduam shumë gjëra, mes tjerash për lirimin sa më të shpejt të çlirimtarëve tjerë që po mbahen padrejtësisht në Hagë”, ka shkruar ministri i Infrastrukturës.
Ish-luftëtari i Ushtrisë Çlirimtare të Kosovës, Hysni Gucati, është liruar nga Gjykata Speciale në Hagë, të martën e 17 tetorit.
Këtë për Portalin Dukagjini e kishte konfirmuar kryetari i OVL-UÇK-së në Skenderaj, Emin Lati.
Lexo dhe: Hysni Gucati kthehet në Kosovë
Ai kishte thënë se “Gucati ka ardhur në Kosovë dhe i njëjti po gjendet në EULEX dhe më vonë pritet t’i bashkohet familjes”.