Ministri i Mbrojtjes, Ejup Maqedonci të martën ka udhëtuar për vizitë zyrtare në ShBA.
Gjatë qëndrimit në Shtetet e Bashkuara të Amerikës (ShBA), Maqedonci do të ketë takime në Departamentin e Mbrojtjes dhe Departamentin e Shtetit.
Këtë e ka konfirmuar ministri edhe të hënën në Five në RTV Dukagjini.
Lexo edhe : Maqedonci së shpejti në SHBA, pritet të takohet me James O’Brien
Ministri do të takohet me Ndihmës Sekretarin e Departamentit të Shtetit, James O’ Brein, ndihmës Sekretarin e US Army për Teknologji, Logjistikë dhe Blerje Ushtarake, Douglas R. Bush, Zëvendës Sekretaren e Mbrojtjes, Sasha Baker, Ndihmës Sekretaren e Mbrojtjes për Çështje të Sigurisë Ndërkombëtare, Celeste A. Wallander, si dhe Senatoren, Joni Ernst.
Ministri po ashtu do të marrë pjesë në një Think Tank, dhe do të ketë një intervistë në Zërin e Amerikës.