Ministria e Mjedisit, Planifikimit Hapësinor dhe Infrastrukturës (MMPHI), ka bërë me dije se, me fillimin e reshjeve të borës, operatorët e mirëmbajtjes së rrugëve janë aktivizuar dhe janë në gatishmëri të plotë për kriposjen dhe pastrimin e rrugëve në gjithë Kosovën.
Sipas Ministrisë, të gjitha institucionet përgjegjëse janë të përgatitura për të siguruar kalueshmërinë e rrugëve dhe funksionimin normal të trafikut gjatë gjithë sezonit dimëror.
MMPHI apelon tek qytetarët që të jenë të kujdesshëm gjatë lëvizjes, të respektojnë rregullat e trafikut dhe të përshtatin shpejtësinë me kushtet e motit, për të shmangur aksidentet dhe për të lehtësuar qarkullimin rrugor.