Motra e gruas shtatzënë, që është vrarë më 30 nëntor në oborrin e Qendrës Klinike Universitare të Kosovës, ka thënë se ajo ka qenë e kërcënuar edhe prej familjes së bashkëshortit të saj, i cili dyshohet se e ka vrarë atë me tre plumba.
“Momentin që ka ardhur motra në shtëpi është ndjerë e kërcënuar prej tij dhe familjes së tij, e kanë lënë pa ngrënë bukë, e pa pi, të gjithat janë kanë bërë. Jemi bërë nganjëherë bashkë e gjithë familja, ai nuk e ka lënë të vij tek ne”, është shprehur ajo, drejtpërdrejt në Debat Plus.
“Gjatë martesës nuk kanë kaluar mirë, momentin që është martuar në atë natë nuk na është lajmëruar hiç, vetëm dikur në mbrëmje na është dërguar mesazh nga burri i saj që është mirë mos u bëni merak, por, nuk është lajmëruar kështu me zë vetëm mesazh në telefon”, ka thënë tutje ajo.
Po ashtu, ajo ka thënë se në ditën kur ka shkuar për lindje në QKUK, aty i dyshuari ka tentuar të ketë kontakt me 35-vjeçaren tashmë të ndjerë, por sipas saj, ai me gjithë tentimin nuk ka pasur mundësi të ketë kontakt, por e ka dërguar nenën dhe motrën e tij.
Ajo ka shtuar se nuk ka pasur kontakt me motrën e saj prej natës kur ajo ka qenë në spital.
“Gjatë mbrëmjes i kemi pas në roje tërë natën rreth orës 11 në mëngjes kanë shkuar, pak më herët kenë veç e vizituan pak dhe shkuan. As prej gjykatës as nga askush nuk na kanë vizituar apo të lajmërohen tek ne”, ka thënë ajo.
Tutje ajo është shprehur se familja e të dyshuarit nuk i ka kontaktuar më pas vrasjes as edhe për ngushëllime.