Reperi i njohur shqiptar, Mozzik sot ka vizituar Hagën me një arsyeje të veçantë.
Arsyeja e vizitës ka qenë takimi me disa nga krerët e Ushtrisë Çlirimtare të Kosovës që po gjykohen nga Dhomat e Specializuara të Gjykatës Speciale në Hagë.
Reperi i shumë hiteve në estradë, publikoi në rrjetin social Facebook një ‘selfie’ të realizuara para Gjykatës Speciale, teksa në mbishkrimin e saj thuri elogje për ish-kryetarin e PDK-së, Kadri Veselin, i cili është një nga krerët e arrestuar në Hagë.
“Vizita në burg te Kadri Veseli është një rrugë pikëlluese në një peisazh të errët, ku drita e lirisë shuhet në prangat e mbylljes. Në këtë vend të ndaluar, emocionet e humbjes dhe shpresës përplasen në një përjetim të thellë të vuajtjes së njeriut, duke përforcuar nevojën për drejtësi dhe për një të ardhme më të ndritshme. Vallai Kadria o burrë, amo burrë, burrë ata që e njofin e njofin”, ka shkruar Mozzik.
Se a do të ketë këngë të re nga ai, për të përshkruar në rima vizitën e tij, pritet të shihet.