Analisti politik Imer Mushkolaj ka vlerësuar se rezultatet e Exit poll-it të UBO-s në TV Dukagjini tregojnë një fitore të thellë të Lëvizjes Vetëvendosje dhe një dështim të qartë të opozitës, e cila, sipas tij, nuk ka arritur t’i bindë qytetarët se paraqet një alternativë të besueshme.
Mushkolaj ka shtuar se përgjegjësia për bllokadën politike të krijuar nga prilli e tutje, në masë të madhe, u është faturuar partive opozitare.
“Fitore shumë e madhe e VV-së. Absolutisht dhe dështim i opozitës. S’ki qysh e sheh ndryshe. Po duket që prej zgjedhjeve të shkurtit, opozita nuk ia ka dal me punën e vet me qasjen, për ta bindur qytetarin që ka të drejtë. Edhe prapë po duket ë përgjegjësia për atë bllokadën prej prillit e tutje i ka mbetur opozitës”, ka thënë Mushkolaj në Debat Plus.